កម្លាំងប៉ុស្តិ៍នគរបាលរដ្ឋបាលក្រាំងពង្រ ឃាត់ខ្លួនជនសង្ស័យម្នាក់ ករណីរំលោភសេពសន្ថវៈ
19-March-2019 | ដោយ ពលមនសិការ
ភ្នំពេញ៖ កាលពីព្រឹកថ្ងៃទី១៨ ខែមីនា ឆ្នាំ២០១៩ កម្លាំងប៉ុស្តិ៍នគរបាលរដ្ឋបាលក្រាំងពង្រ នៃអធិការដ្ឋាននគរបាលខណ្ឌដង្កោ បានឃាត់ខ្លួនជនសង្ស័យម្នាក់ ករណីរំលោភសេពសន្ថវៈលើអនីតិជនអាយុ១៦ឆ្នាំ នៅចំណុចបន្ទប់ការិយាល័យសាលាភាសាសាស្ត្រ (អង់គ្លេស) ស្ថិតនៅភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ។
លោកវរសេនីយ៍ឯក ជឹម ស៊ីថា អធិការនគរបាលខណ្ឌបានឱ្យដឹងថាជនរងគ្រោះឈ្មោះញ.ស.ណ អាយុ១៥ឆ្នាំ មុខរបរសិស្ស មានទីលំនៅភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ។ ចំណែកជនសង្ស័យឈ្មោះ ចិន មករា ភេទប្រុស អាយុ២៦ឆ្នាំ ជនជាតិខ្មែរ មុខរបរគ្រូបង្រៀន ស្នាក់នៅផ្ទះជួល ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
វត្ថុតាងដកហូតៈទូរស័ព្ទដៃម៉ាកណូគាចុចពិល ពណ៌ក្រហមលាយខ្មៅមួយគ្រឿង, ម៉ូតូ០១គ្រឿងម៉ាកហុងដាសេ១២៥ ពណ៌ខ្មៅ ពាក់ស្លាកលេខ ភ្នំពេញ 1CE-1879 មានលេខតួ និងលេខម៉ាស៊ីន9038276មួយគ្រឿង។
តាមការរៀបរាប់របស់ជនរងគ្រោះបានឱ្យដឹងថាកាលពីថ្ងៃទី២០ ខែធ្នូ ឆ្នាំ២០១៨ វេលាម៉ោង១៧និង៤០នាទី ក្មេងស្រីកំពុងតែរៀនភាសាអង់គ្លេសនៅសាលាឯកជនឈ្មោះ សាលាភាសាសាស្ត្រ ស្ថិតនៅភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ។ ពេលនោះជនសង្ស័យឈ្មោះ ចិន មករា ដែលជានាយករងសាលាភាសាអង់គ្លេសខាងលើ បានបបួលក្មេងស្រីរងគ្រោះទៅដើរលេង រួចក្មេងស្រីរងគ្រោះក៏យល់ព្រម ហើយជនសង្ស័យក៏បានបើកម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1CE-1879 ជិះគ្នា០២នាក់តាមផ្លូវជាតិលេខ៣ ពីត្បូងទៅជើង។ ពេលទៅដល់ផ្ទះសំណាក់ភ្នំមាស តាមផ្លូវជាតិលេខ៣ ស្ថិតនៅភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ រាជធានីភ្នំពេញ ជនសង្ស័យក៏បានបើកម៉ូតូឌុបក្មេងស្រីរងគ្រោះចូលទៅជួលបន្ទប់ មិនចាំលេខដេក ហើយនិយាយលួងលោមក្មេងស្រីរងគ្រោះថា បងស្រលាញ់អូនឯង ចង់បានខ្លួនប្រាណអូនឯង រួចក៏បានធ្វើសកម្មភាពចាប់សម្រាតខោអាវ ចេញអស់ហើយរំលោភសេពសន្ថវៈលើក្មេងស្រីរងគ្រោះបានសម្រេចចំនួន០១លើក រួចនិយាយគំរាមក្មេងស្រីរងគ្រោះថា ទៅវិញកុំនិយាយប្រាប់ក្រុមគ្រួសារ និងអ្នកដទៃឡើយ។ រហូតដល់ថ្ងៃទី២៤ ខែធ្នូ ឆ្នាំ២០១៨ វេលាម៉ោង១២និង១៥នាទី ជនសង្ស័យបានទូរស័ព្ទហៅក្មេងស្រីរងគ្រោះអោយទៅជួយរៀបចំអីវ៉ា់ន់នៅក្នុងសាលាខាងលើ ពេលក្មេងស្រីរងគ្រោះទៅដល់ ជនសង្ស័យក៏បាននាំចូលក្នុងបន្ទប់ការិយាល័យ រួចធ្វើសកម្មភាពចាប់រំលោភសេពសន្ថវៈលើក្មេងស្រីរងគ្រោះបានសម្រេច០១លើកទៀត ហើយបាននិយាយគំរាមក្មេងស្រីរងគ្រោះដូចខាងលើដែរ។ លុះដល់ថ្ងៃទី១៦ ខែមីនា ឆ្នាំ២០១៩ វេលាម៉ោង១៦និង៣០នាទី ក្រុមគ្រួសាររបស់ក្មេងស្រីរងគ្រោះមានការ សង្ស័យឃើញក្មេងស្រីរងគ្រោះមានសភាពស្ងៀមស្ងាត់ សម្ងំតែក្នុងបន្ទប់ និងបាននិយាយប្រាប់បងៗថា ចង់តែស្លាប់ ទើបក្រុមគ្រួសារបាននាំគ្នាលួងលោមសួរនាំ ហើយក្មេងរងគ្រោះក៏បានប្រាប់រឿងរ៉ាវខាងលើដល់ ឪពុកម្តាយ និងក្រុម គ្រួសារអោយបានដឹងរឿងហេតុខាងលើតែម្តង ហើយនៅថ្ងៃទី១៨ ខែមីនា ឆ្នាំ២០១៩ ម្តាយបង្កើតរបស់ក្មេងស្រីរងគ្រោះបាននាំក្មេងស្រីរងគ្រោះមករាយការណ៍ប្រាប់សមត្ថកិច្ច និងដាក់ពាក្យបណ្តឹងនៅប៉ុស្តិ៍ នគរបាលរដ្ឋបាលក្រាំងពង្រ ដើម្បីអោយសមត្ថកិច្ចជួយអន្តរាគមន៍។ ហើយនៅវេលាម៉ោង០៩និង៣០នាទី ថ្ងៃខែឆ្នាំ ដដែល សមត្ថកិច្ចយើងក៏បានស្រាវជ្រាវឃាត់ខ្លួនជនសង្ស័យឈ្មោះ ចិន មករា បានត្រង់ចំណុចសាលាភាសាសាស្ត្រ ស្ថិតនៅភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ រួមនិងវត្ថុតាង យកមកសាកសួរនៅប៉ុស្តិ៍នគរបាលរដ្ឋបាលក្រាំងពង្រ តាមនីតិវីធីច្បាប់តែម្តង ៕
ចំនួនអ្នកទស្សនា
- ថ្ងៃនេះ11421
- ម្សិលមិញ6261
- សប្តាហ៍នេះ29801
- ខែនេះ144951
- ឆ្នាំនេះ144951
- សរុប20587407